Este próximo fin de semana terá lugar un doble programa de teatro organizado polo Departamento de Cultura do Concello do Valadouro e escenificado no Salón de Actos da Casa da Cultura deste Concello. O sábado 29 de xuño, o Estudio de Teatro Casahamlet presenta a obra Dourada Babel, unha peza baseada no título O Circo de Media Noite de Manuel Lourenzo, o cal dirixa tamén esta adaptación interpretada polos alumnos da Aula Aberta de Casahamlet. O domingo 30 de xuño, o grupo de teatro xuvenil A Maseira de Alfoz-Valadouro ergue o telón para a obra cómica ” A Caixa de Pandoriña”, texto escrito por Pepe Peinó que tamén se encarga da dirección. As dúas obras están programadas ás 20:00 horas e abertas a todo o público que o desexe.