Nun acto presentado pola coordinadora da Escola de Ximnasia Porta Norte, Nelly Bouso, as 35 alumnas amosaron a súa especial sensibilidade, elegancia e desenvoltura en coreografías de ballet, flamenco, ximnasia estética de grupo, funky e ximnasia rítmica, engalanadas con vestimenta que elas mesmas elaboraron durante a semana do campus. ‘Amigos para siempre’, ‘Una rosa es una rosa’, ‘Mary Popins. Do, Re, Mi’, ‘Rolling in the deep’, ‘Pump it’ e ‘Crazy in love’ foron algunhas das cancións que soaron en Vista Alegre para dar ritmo aos movementos das pequenas ximnastas.
A entrega de diplomas e medallas puxo o peche á cita, contando coa presenza do tenente de alcalde de Burela, Manuel Fernández Valle, xunto a representantes da Fundación Imdecum e de Porta Norte.
A exhibición estivo precedida por un emotivo minuto de silencio polas vítimas do tráxico accidente ferroviario de Santiago de Compostela ocorrido na véspera do Santiago Apóstolo.