En concreto ofrécese fútbol praia, voleibol praia, fútbol sala, baloncesto e pádel, así como a noite dos patíns, onde se poderá practicar con distintos tipos de patíns tanto de forma libre como en circuítos, así como a noite de orientación, un xogo no que os participantes terán que seguir unha serie de probas que irán atopando pola vila de San Ciprián.
Nesta ocasión o programa conta con dúas novidades con respecto ao ano pasado, como son o pádel e o voleibol praia, que xa se ofreceran en anteriores edicións pero que se recuperan este ano. Unhas actividades que terán lugar en diferentes localizacións atendendo ás disciplinas, como son a praia do Torno, a praza dos Campos e a pista de pádel do polígono de Cuíña.
Os participantes distribuiranse en franxas de idade dentro de cada modalidade, establecéndose cinco categorías: sub 10, 12, 15, 17 e sénior. En canto ás inscricións, pódense realizar o primeiro día antes do comezo de cada actividade. Para máis información poden chamar ao 636 504 155 (María).
O alcalde de Cervo, Alfonso Villares, o edil de Deportes, Luis Guillén e a representante dá área de Deportes de IG10, María Gómez presentaron esta mañá o cartel e o programa dunha iniciativa “coa que procuramos que a mocidade e a poboación en xeral se manteña activa durante os meses do verán e aproveite o seu tempo libre para facer exercicio e compartir unhas horas de diversión conxunta” explica Guillén. O edil agarda que nesta edición o programa teña unha excelente acollida “tal e como vén sucedendo en anteriores edicións”. O delegado de Deportes lembra que o ano pasado participaron nas Noites Alternativas unhas 450 persoas.
CALENDARIO:
Fútbol praia: 9, 10 e 11 de xullo
Voleibol praia: 22 e 23 de xullo
Noite dos Patíns: 24 de xullo
Fútbol sala: 30, 31 de xullo e 1 de agosto
Baloncesto: 6, 7 e 8 de agosto
Noite de Orientación: 20 de agosto
Pádel: 21 e 22 de agosto