O sétimo Campus Burela FS reúne a preto de 40 promesas

Preto de 40 promesas gozan en Burela dende este xoves 18 de xullo co fútbol sala no VII Campus Mixto Internacional de Base Burela FS Pescados Rubén. A cita, que se prolongará ata o domingo, foi inaugurada coa presenza dos xogadores Iago Míguez e Claudia, e continuará este venres coa visita do ex-internacional e actual director deportivo do Inter Movistar Javier Lorente.

O clínic conta co patrocinio da Área de Deportes da Deputación de Lugo, Concello de Burela e Fundación Imdecum, ademais da colaboración do Concello de Cervo, IES Monte Castelo e CEIP Vista Alegre. A Mariña-El Progreso é o xornal oficial do campus.