Ribadeo acollerá o Obradoiro ALMUsical os días 5, 7, 12 e 14 de agosto dirixido a nenos e nenas de entre 5 e 10 anos de cara a que coñezan e aprendan os aspectos esenciais da súa linguaxe, historia ou composición da man de Daniel Borja Durán Alonso. A metodoloxía basearase na presenza da música empregando como repertorio a tradicional. As cinco horas do obradoiro dirixido a nenos e nenas de 5 a 7 anos dividiranse nas catro sesións con horario de 10:30 a 11:45 baixo un prezo de inscrición de 30 euros. Pola súa banda, o dirixido a rapaces de entre 8 e 10 anos repartirán as seis horas nas catro sesións en horario de 12:00 a 13:30 cun prezo de inscrición de 36 euros. O mércores 14, coincidindo coa clausura do obradoiro, realizarase a entrega de diplomas no salón de actos da Casa do Mar a partir das 20:30. Máis información nos teléfonos 982 129 174 – 646 837 979 ou a través do correo electrónico: almutrompa@yahoo.es.