O restaurante San Miguel, situado no porto deportivo de Ribadeo, incluiu na súa carta de verán un plato denominado Merluza, estilo Las Catedrales, dedicado á famosa praia ribadense, que é o principal atractivo turístico do municipio e que recibe a miles de visitantes durante todo o ano. O xerente e cociñeiro do restaurante San Miguel, José Ramón Rodríguez, destacou que todos os ingredientes deste plato “son productos da zona, desde a merluza ata o jamón, os grelos, as patacas e o allo”. Ademais, preséntase cunha forma inspirada nos arcos que hai no coñecido areal. Na nova carta, elaborada para a tempada de verán, inclúense tamén outros pratos, coma o carpaccio de bonito de Burela, rape con ameixas á sartén, calamares da ría na súa tinta ou segredo de porco ibérico. Durante a época estival, o restaurante San Miguel ten aberta tamén a súa tasca con terraza que está na primeira planta do edificio, ademais do comedor principal, situado na segunda.
