Ribadeo, 26 de agosto de 2013. Carla Díaz, unha rapaza de 13 anos, proclamouse campioa xunto ó seu pai, Joseba Díaz, na final mixta do torneo de pádel Grupo Adarsa Mercedes, que se celebrou o domingo 25 de agosto naqs instalacións de Pádel Club Ribadeo. Carla tamén gañou a final feminina xunto á súa compañeira Irene, converténdose na gran revelación do torneo.
O torneo, organizado por Pádel Club Ribadeo, e patrocinado por Grupo Adarsa Mercedes, reuniu a 150 xogadores do 19 ao 25 de agosto. A organización móstrase moi satisfeita da convocatoria e agradece “la participación a todos los jugadores y jugadoras, a nuestro patrocinador y a todos los que acudieron a ver alguno de los partidos disputados en nuestras instalaciones”. En total repartíronse 2.500 euros en premios.
As instalacións de PCR acoleron o pasado sábado a celebración dunha cea de confraternidade na que os participantes degustaron unha exquisita paella. A velada contou con amenización musical.