Segundo explicaron os edís populares “o concello vai realizar de forma inmediata unha actuación de mellora e mantemento do céspede, dado que hai zonas nas que non pegou debidamente”. Tamén sinalaron que “haberá que facerlle a ese campo uns traballos de mantemento de carácter anual, que ninguén nos dixo que tiñamos que realizar cando se fixo o traspaso de poderes no Concello de Burela hai dous anos.”
Valle e Piñeiro lembraron que “desde que nós chegamos ao Concello hai unha persoa dedicada ó mantemento e conservación de todas as instalacións da Marosa. Nas mesmas tamén se realizan melloras cando é necesario”.
Para poder realizar os traballos de mellora e mantemento do campo de herba artificial, esta instalación permanecerá pechada desde hoxe mesmo hasta novo aviso, para evitar deste xeito complicar a situación do céspede e facilitar os traballos a realizar.
Beatriz Piñeiro e Manuel Fdez. Valle agardan que as entidades e particulares usuarios do campo de herba artificial saiban comprender a situación, dado que en todo caso o que se pretende e mellorar máis se cabe a instalación deportiva.