Fernández Valle explicou que “cos alumnos do curso de pintura para desempregados que se está impartindo no tempo destinado ás prácticas externas, entre outras cousas, estase acondicionando o edificio existente na área recreativa do Monte Castelo que está destinado a bar. Tamén se van acondicionar algúns dos elementos de madeira que hai na área recreativa, algo que consistirá na eliminación do verniz onde aínda o hai e darlle unha nova imprimación á madeira para posibilitar unha maior e mellor conservación”.
López Eijo dixo que “o investimento que está facendo o Concello nos materiais estímase en 2.000 euros e os traballos están sendo realizados de acordo coa comunidade de monte en man común. Confíamos en que os traballos rematen ó longo desta semana”.
Os edís populares engadiron que “aproveitando que se está dando unha nova imprimación ó edificio do bar vanse reparar pequenos danos que hai no inmoble, como por exemplo algunha madeira e algunhas tellas que se desprenderon e que hai que repoñer”.