O CD Burela FS Pescados Rubén continúa unha tempada máis con Joma como Spónsor Técnico Oficial a través de Living Sport. O conxunto mariñán lucirá por terceira campaña as equipacións da marca española. Joma está considerada como unha das marcas de referencia do deporte nacional e cada vez conta con maior recoñecemento e presenza internacional. As novas equipacións do CD Burela FS Pescados Rubén estarán á venda a partir do 2 de setembro na sé da entidade burelesa situada na Avenida Arcadio Pardiñas nº 91.
