Os infantís que quedaron subcampións de liga e disputaron a previa do ascenso á Liga Galega continuarán baixo as ordes de Brenan Rivas e con Juan Otero como delegado. Os xuvenís tamén seguirán sendo adestrados por Javi Chinchón e coa figura de David Garrafín como 2º adestrador e preparador físico. Os cadetes seguirán tamén con Ramiro Chao á fronte.
A principal novidade este ano será que os equipos adestren indistintamente tanto nas instalacións de Santa Cruz (Lourenzá) como no Viñas da Veiga (Mondoñedo) para tratar de manter nas mellores condicións posibles ambos terreos de xogo.