Os Sendeiros de Foz realizaron este sábado 17 de agosto unha das rutas de verán pola comarca de Foz coa participación de 38 sendeiristas. Nesta ocasión a ruta foi de 13 km. nun percorrido polos picos máis altos deste concello: Alto de Virín e Pico de Corneria. Estas rutas están dedicadas aos turistas que pasan as súas vacacións en Foz, denominadas Sábados de Agosto, nas que tamén pode participar todo o que queira. O vindeiro sábado 24 realizarase a ruta por Frouxeira e San Acisclo.
