San Miguel, O Cabazo, La Solana, Casa Pepe, La Dorada del Cantábrico, Voar e o Parador de Turismo son os establecementos hostaleiros que participan nesta iniciativa. Os “Bonos Gastronómicos Ribadeo” teñen un custe de 60 euros e inclúen un menú degustación para dúas persoas formado por dous entrantes, dous pratos principais, postre, café e viño. Os bonos teñen unha validez de 6 meses desde o momento da súa adquisición e para disfrutalos será necesario facer as reservas nos restaurantes con 24 horas de antelación como mínimo.
Durante a súa intervención Antonio Veiga destacou “a importancia que ten a posta en marcha de iniciativas como os bonos gastronómicos á hora de dar a coñecer a nosa gastronomía e a calidade dos nosos produtos”, e insistiu en que “este é un elemento clave de cara á promoción turística de Ribadeo e o desenvolvemento económico da comarca”.
Os bonos, que se poden adquirir nos establecementos adheridos ou por compra on-line en http://gastrobonos.ribadeo.org, xorden como unha forma de agasallar unha experiencia gastronómica e vital que ofrece unha cociña próxima e contundente, nacida e cociñada na zona.