A Cova do Rei Cintolo recibe o visitante número 6.000

Este domingo 8 de setembro, a Cova do Rei Cintolo recibía a súa visita 6.000. Un grupo de rapaces e rapazas chegaban ata Mondoñedo para desprazarse ata a cavidade máis grande de Galicia. A súa sorpresa foi cando ao retirar as entradas, Daniel Conde Chantada, un rapaz de 37 anos de idade, veciño de Moaña se convertía no visitante número 6.000 da cova.

O Concello decidiu premiar ao rapaz convidando á entrada e cun diploma acreditativo que fai referencia á visita 6.000 e que foi entregado pola concelleira de medio ambiente, Magdalena Domenech Gruñeiro.

Visitas ata finais de setembro
Ata finais de setembro pódense realizar visitas dende mércores a domingo previa reserva chamando á oficina de turismo de Mondoñedo ao 982 507177. O prezo por persoa segue sendo de 15 euros. Recoméndase levar calzado de goma, roupa vella e unha muda.