As actividades da semana da mobilidade concluirán o vindeiro domingo, 22 de setembro, coa celebración do día sen coches. Desde as 9 da mañá ás 22 horas permanecerán pechadas ao tráfico as rúas Pardo Bazán (tramo da intersección das rúas Curros Enríquez e Eijo Garay) e Eijo Garay (tramo de intersección das rúas Rosalía de Castro e Pardo Bazán). Durante esa xornada haberá unha gimkana; un obradoiro de maquillaxe e caracterización para o público infantil e degustación de produtos típicos do outono; unha demostración das mulleres palilleiras de Burela; Dispara a gol coa participación de xogadores/as dos equipos masculino e feminino de fútbol sala de Burela; un obradoiro didáctico con Ledicia; unha merenda saudable patrocinada pola ACIA local e unha actuación da asociación Batuko-Raventola.