Manuel Fernández Valle sinalou que “se creou, tal e como anunciamos no seu día, unha zona para prensa, que se preparou para que os representantes dos medios de comunicación poidan traballar sentados e con apoios para os distintos dispositivos móbiles que empregan”.
O edil de Obras engadiu que “a zona de prensa está situada na parte alta da grada lateral, nun dos laterais da zona reservada para palco e terá capacidade para 9 persoas”. Os xornalistas estrearán este espazo este sábado no partido de volta da Super Copa de España que enfrontará ao Burela FSF co Atlético de Madrid. Nas vindeiras semanas acometeranse outros traballos pendentes de acondicionamento do pavillón.