Dende o club salientan “esta aposta da empresa ABSA polo deporte de base, facendo posible neste intres de máxima dificultade no eido económico, que un bo número de nenos e nenas bureleses poidan practicar un deporte que sen lugar a dubidas redundará na mellora da calidade de vida dos mesmos e contribuirá á súa formación coma xogadores e coma persoas”. Pedro Chao Polo, presidente do club tamén quixo destacar que “mentres esta e outras empresas son as que apoian o deporte de base, algunhas institucións se esquecen dos máis novos”.
O club agradece a toda a directiva de ABSA “o seu empeño e traballo en beneficio de valores que coma o do esforzo, compromiso de equipo,… que dende o club queremos trasladar a os nosos xogadores e xogadoras”.