Arranca a tempada nas Escolas Deportivas Lourenzá Mondoñedo

Este xoves presentáronse as categorías menores das escolas deportivas, concretamente os equipos de fútbol sala prebenxamín, benxamín e alevín; fútbol 8 alevín; así como as seccións de baloncesto (benxamín e alevín), atletismo, patinaxe, bádminton e tenis de mesa das E.D. Lourenzá Mondoñedo. O resto de equipos xa tiveron as súas presentacións a comenzos de agosto e levan máis tempo adestrando.

No ano que coincide coa 19ª edición estiveron presentes, ademais de pais e directivos a alcaldesa de Lourenzá Dª. Emma Álvarez Chao, o concelleiro de deportes D. Pablo Maseda e o deputado autonómico D. Vidal Martínez.

Na sección de fútbol/fútbol sala os rapaces prebenxamíns e benxamíns estarán dirixidos por David Cabaleiro mentres que no equipo alevín estará adestrando Michael Sante. Completan o cadro Brenan Rivas co infantil, Ramiro Chao á fronte do cadete e Javi Chinchón co xuvenil.

Na sección de basket Raúl González estará coas categorías Mini (benxamín e alevín) e Santi e Mariano cos equipos cadete e infantil. Juan Nécega dirixirá ó equipo sénior no seu debut en Liga Nacional.

En canto á sección de atletismo os pequenos serán adestrados por Rubén Piñeiroa e dos adultos encargarase José Carlos Díaz.

Tania Irimia seguirá como monitora de patinaxe e Raúl González estará á fronte das seccións de tenis de mesa e bádminton.