Ana María Briones Montes obtivo o segundo posto na modalidade de arco recurvo na súa categoría, sénior feminino, con 432 puntos sobre los 600 máximos posibles. Así, non só logra a segunda praza senón que supera en 12 puntos o seu récord persoal logrado no XXV Campionato Galego de tiro en Sala celebrado en Sigras (Cambre –A Coruña) onde rematou sexta.
Pola súa banda, Gabriel Galante Briones tamén obtivo a segunda praza na categoría cadete obtendo 518 puntos, lonxe das súas mellores marcas nesta distancia e diana.
Francisco Melo Bothelo situouse sexto na categoría infantil con 417 puntos.
E, na categoría sénior masculina de arco recurvo, o oitavo posto foi para Jorge Galante con 513 puntos, que tamén bateu o seu propio récord persoal situado nos 502 puntos obtidos o ano pasado neste mesmo Trofeo.
Xa por último, José Manuel García Cordido; “O Campaneiro”, situábase 17º con 449 puntos, superando ao igual que os seus compañeiros, a súa anterior marca de 431 puntos que o situaban no posto 30º do pasado XXV Cto Galego de Sala.