O curso de Xestión e Coidados do Horto Ecolóxico da Asociación A Marina rematou este luns

Este luns 30 de setembro dáse por finalizado na Asociación de Axuda ao Enfermo Mental “A Mariña” o curso de “Xestión e coidados do horto ecolóxico”, curso financiado pola Consellería do Medio Rural e do Mar e o Fondo Social Europeo.

No curso participaron 10 usuarios pertencentes ao Centro de Rehabilitación Psicosocial e Laboral (CRPL) de Ribadeo, e os contidos do mesmo tiveron como finalidade aprender a organizar un horto ecolóxico.
A través desta iniciativa aumentamos a formación dos destinatarios dotándolles de maior flexibilidade formativa e curricular e maior versatilidade, e polo tanto maior probabilidade de inserción no mundo laboral.

Este resulta ser un aspecto fundamental na mellora do sentimento de autovalía e autoestima, e por suposto redunda sobremaneira na calidade de vida do noso colectivo.