Burela, a 22 de setembro de 2013.- O portavoz da Agrupación Local do PP burelés, José Luis Lois Losada, manifestou este domingo “a satisfacción do partido polos logros e consecucións que se veñen producindo nas últimas semanas, derivadas da boa xestión que está realizando o alcalde e o seu equipo de goberno”.
Lois Losada apuntou que “a seguridade que existe dentro do PP burelés é que se tén avanzado máis nestes dous últimos anos de goberno popular ca nos catro anos de bipartito, e iso a pesares de herdar unha situación económica mui complexa e difícil de solventar”.
O portavoz dos populares de Burela engadiu que “a recepción por parte do concello da urbanización de Torrentes tén dous significados: a capacidade de xestión do PP, que é capaz de ir solucionando asuntos que estaban abertos, e a incapacidade dos socialistas, que en catro anos non foron capaces a facer absolutamente nada de nada sobre Torrentes, cando todo lles quedaba preparado e solo quedaba remátalo. Ademáis de non facer nada, xeneraron problemas: algo propio da súa forma de xestionar as cousas de todos”.
Ademáis, José Luis Lois Losada apuntou que “os do bipartito falaban dunha escola infantil na Casa do Mar, co único obxectivo de non facer nada. O goberno actual do PP dá un paso adiante e asina un convenio coa Xunta para facer a segunda escola infantil de Burela, e compromete partida presupostaria nos presupostos do presente ano 2013, o que representa a convicción de González Barcia e do seu equipo de acadar este importante servicio para Burela”.
Lois Losada manifestou que “mentres o PP goberna, os socialistas adícanse a agasallar a Besteiro cunha boa comida. Vergoña lles debería dar, xa que o presidente da Deputación non destaca por nin tan siquera escoitar as peticións que se lle fan desde a alcaldía do noso concello”.
Finalmente, considera que “os socialistas de Burela poden e deben estar preocupados: que teña que ser José Ramón Val, non mui ben visto en Foz polos seus propios compañeiros de partido, quen faiga oposición a González Barcia e o seu equipo resulta realmente penoso e demostra a incapacidade das catro persoas que aspiran a controlar o PSOE burelés para artellar unha oposición seria e responsable”.