Burela, 21 de setembro de 2013. Ata o vindeiro xoves, 26 de setembro, estará aberto o prazo de inscrición nas escolas deportivas municipais de Burela. No curso 2013/14 haberá bádminton no pavillón dos Castros os xoves de 17:40 a 18:40 horas; tenis de mesa os martes de 17 a 18 horas na Casa da Xuventude; patinaxe artística no pavillón dos Castros os martes de 16:30 a 19:30 horas; os xoves de 18 a 20 horas haberá ballet na Casa da Cultura; no pavillón dos Castros impartirase a escola deportiva de tenis os luns e os martes de 15:30 a 16:30 horas e os mércores de 19:30 a 20:30 horas; e no pavillón dos institutos haberá patín lúdico os venres de 16 a 18 horas.
A tempada das escolas deportivas municipais de Burela dará comezo o 1 de outubro e rematará o 30 de maio. As fichas de inscrición deberán entregarse na Casa do Concello en horario de 9 a 14 horas. Segundo informa a Concellería de Deportes “todo aquel que non teña formalizada e entregada a ficha de inscrición non poderá asistir á actividade ata realizar dito requisito. A adxudicación das prazas farase por rigorosa orde de inscrición, sempre que se cumpran os requisitos esixidos. A partires do venres, 27 de setembro, farase pública a lista de admitidos na Casa do Concello”.
Nas escolas deportivas municipais de Burela poderán participar todos os nenos e nenas nados entre 1997 e 2008.