Ribadeo, 13 de setembro de 2013. As instalacións da Casa do Mar de Ribadeo acollerán unha xornada maxistral sobre Xestión da prevención de riscos na empresa: a batalla activa da prevención. Será o vindeiro venres, 20 de setembro, de 9 a 14 horas e poderán acudir 35 persoas. A cita está dirixida a empresarios, técnicos de prevención e profesionais de prevención de riscos laborais, responsables de saúde laboral e traballadores. Os interesados poden obter máis información e inscribirse no teléfono: 982 28 40 15 ou no correo electrónico: formación@cel.es e tamén nos locais de ACISA en Ribadeo, sitos na Avenida de Galicia ou chamando ao 982 120 565.
Na xornada abordaranse aspectos coma a xestión da prevención na empresa, a cargo de Fernando Barreda Nadela que é técnico de prevención de riscos en Fremap; as responsabilidades e sancións en materia preventiva, que impartirá Nicolás González Raposo, xefe de inspección de Traballo e Seguridade Social en Lugo; ou a batalla activa da prevención, cuestión da que falará José Ignacio Garrote Freire, xefe de servizos de Seguridade e Saúde Laboral da Dirección Xeral de Relacións Laborais da Consellería de Traballo e Benestar.
Colabora coa Confederación de Empresarios de Lugo na organización deste evento a Asociación de Comerciantes, Industriais, Servizos e Autónomos de Ribadeo.