A edil Diana Durán explica que “os grupos distribúense segundo as limitacións de mobilidade causadas polas doenzas que presenten as persoas maiores de 65 anos. Trátase de realizar exercicios en grupo de ximnasia preventiva para persoas non dependentes”.
A concelleira de Servizos Sociais asegurou que “o curso pasado foi un éxito, xa que contou cun centenar de participantes” e lembrou que “as persoas interesadas en obter máis información sobre esta actividade poden dirixirse ás oficinas de Servizos Sociais do Concello de Burela”.