Santiago, 19 outubro de 2013.- Os orzamentos da Consellería de Medio Ambiente, Territorio e Infraestruturas para o exercicio do vindeiro ano suporán 165 euros por cada lucense, o que supón a segunda provincia con máis investimento per cápita en materia de infraestruturas. O departamento que dirixe Agustín Hernández mantén o volume de investimento nesta provincia para o ano 2014, ao destinar un orzamento de case 58 millóns de euros.
Das partidas para o 2014 destacan as reservadas ás infraestruturas viarias, urbanas e hidráulicas que suman un total de 49,4 M€, o que implica un 85% do investimento global.
No apartado estradas, as contas permitirán en liñas xerais manter a política de conservación e mellora de seguridade viaria na rede da provincia de Lugo, que suma 1.500 quilómetros, e avanzar no desenvolvemento das obras xa en marcha, así como iniciar unha actuación fortemente demandada, como é o caso do acceso ao Porto de Burela.
Deste xeito, o capítulo das infraestruturas viarias é o grupo que aglutina a maior partida orzamentaria con case 30 millóns de euros, dos cales 16,27 M€ son para a conservación e mellora da seguridade. Os investimentos de 2014 tamén permitirán á Axencia Galega de Infraestruturas multiplicar por seis o orzamento previsto para o Plan Paradai, que pasa dos 0,38 M€ en 2013, aos 2,8 en 2014. Outro dos viais que tamén verá incrementada a súa partida orzamentaria é a Vía de Altas Prestacións Sarria- Monforte, á que se consignan 8 millóns de euros, 2,6 millóns máis que no ano pasado.
En canto ás novas actuacións, destaca o acceso ao Porto de Burela con máis de 800.000 euros para a licitación das obras en 2014, tal e como se comprometera o conselleiro de Medio Ambiente.
Á conexión do Porto Seco de Monforte destínase 3,5 M€ das contas da Dirección Xeral de Mobilidade. Este departamento mantén un ano máis a aposta por mellorar a mobilidade dos lucenses, co apoio ao Plan de Transporte Metropolitano da área de Lugo, ao que en 2014 se achegarán 110.000 euros.
| AXENCIA GALEGA DE INFRAESTRUTURAS | 2014 | |
|
| 29,94 M€ | |
|
|
| |
| ACTUACIÓNS MÁIS DESTACADAS |
| |
| Conservación de estradas | 11,78 M€ | |
| VAP Sarria – Monforte | 7,97 M€ | |
| Mellora da seguridade viaria | 4,49 M€ | |
| VAP da Costa NortePROVINCIAS DA CORUÑA E LUGO | 1,00 M€ | |
| Plan Paradai | 2,80 M€ | |
| Desenvolvemento Plan Sectorial Aparcamentos Disuasorios | 0,38 M€ | |
| Acceso ao Porto de Burela | 0,86 M€ | |
O seguinte capítulo con maior investimento é o de infraestruturas hidráulicas, que se eleva a 10,87 M€ para o exercicio de 2014. Destacan as melloras na Mariña lucense, coa consignación de máis de 6,8 M€ para o abastecemento de San Cosme e San Pedro de Reinante e os 800.000 euros para a estación depuradora de augas residuais de Ribadeo.
Augas de Galicia levará a cabo outras actuacións relevantes como o saneamento de Pantón ou a adecuación do cauce e ordenación das marxes dos ríos Sarria e Celeiro.
| AUGAS DE GALICIA | 2014 | ||
|
| 10,87 M€ | ||
|
|
| ||
| ACTUACIÓNS MÁIS DESTACADAS |
| ||
| Abastecemento San Cosme e San Pedro de Reinante. Barreiros.Convenio CH Miño Sil – Concello Sarria – Augas de Galicia | 6,07 M€ | ||
| Renovación condución xeral dende depósito de San Simón a Vilalba | 1,08 M€ | ||
| Explotación da EDAR de Ribadeo | 0,82 M€ | ||
| Adecuación cauce e ordenación das marxes dos ríos Sarria e Celerio. Sarria. | 0,68 M€ | ||
| Saneamento en Pantón | 0,33 M€ | ||
Eido medio ambiental
En relación cos investimentos destinados á mellora e conservación do medio ambiente, o departamento que dirixe Hernández mobilizará máis de 1,5 M€ para o desenvolvemento de melloras de avaliación ambiental, como os puntos limpos, e de conservación da natureza.
De feito, neste último apartado destaca o investimento que se reserva as zonas de Rede Natura existentes na provincia, ás que se dedican case 70.000 para as axudas a concellos inscritos dentro desta demarcación e para a creación e dotación do Centro de Interpretación do Courel.