Amplíase ata o venres, 4 de outubro, o prazo de inscrición nas escolas deportivas municipais de Ribadeo, segundo informa a Concellaría de Deportes. Este ano ofértanse 12 modalidades: fútbol, fútbol-sala, patinaxe, natación, tenis, baloncesto, ximnasia rítmica, pádel, karate, atletismo, tenis de mesa e baile deportivo. A escolas están destinadas a nenos e nenas nados entre os anos 2000 e 2009. A cota por modalidade é de 60 euros.