Barreiros, 4 de outubro de 2013. O vindeiro luns, 7 de outubro, dará comezo na Aula CeMIT de Barreiros un curso sobre Primeiros pasos co ordenador e a internet. Está enmarcado dentro do programa formativo Hola Fabiola para aprender a usar e aproveitar ao máximo o ordenador a internet. Está dirixido a mulleres estranxeiras residentes no municipio.
Hola Fabiola consta de dúas fases: nivel básico e nivel medio. O nivel básico en Barreiros desenvolverase desde o 7 de outubro ao 3 de decembro e xa o vindeiro ano se impartirá o nivel medio.
As mulleres interesadas en asistir a este curso poden dirixirse á Aula CeMIT de Barreiros, sita no teleclub, ou chamando por teléfono ao 639 87 66 71.