A presidenta da Asociación Mujeres en Igualdad Burela (BUMEI), Mary Fraga, fai un chamamento á solidariedade para poder abastecer de leite, aceite, galletas, fariña, pañais para bebé, así coma produtos de hixiene persoal que faltan na Despensa de Alimentos que esta asociación xestiona en Burela. Mary recorda que atenden a máis de 70 familias intentando cubrir as súas necesidades máis básicas en canto á alimentación, roupa e produtos de primeira necesidade. E ao notar que a demanda é maior, apelan á solidariedade para cubrir as necesidades diarias destas familias; xa que a recollida de alimentos realizada fai pouco nos supermercados non é suficiente para abastecer esa demanda, “a pesar de que a xente se portou moi ben”. Así, os que desexen contribuír poden achegar a súa aportación ao local que a asociación ten habilitado na Avenida Arcadio Pardiñas, 137, entrechán, en horario de luns a xoves de 17.00 a 19.00 horas.