O venres 18 de outubro o Salón de Actos da Casa da Cultura de Alfoz acolleu a estrea da quinta película rodada no IES Alfoz-Valadouro, titulada “Pasado e Futuro”, con guión dos rapaces María Areán e Adrián Rodríguez, protagonizada, entre outros, polos alumnos Sandra Gómez e Alberto Níñez e a profesora Paz Quiroga. O Salón de Actos estivo practicamente cheo e antes de ver o filme entregáronse ós participantes e ás persoas colaboradoras copias da película en DVD. Tamén se puideron ver ó final unhas tomas falsas.
