Marcela non continuará vinculada ás filas laranxas

A ala brasileira Marcela Nascimento Leandro non continuará vinculada ás filas do CD Burela FS Pescados Rubén. Así llo comunicou a comezos desta semana o club laranxa á xogadora que chegou á Mariña en agosto, despois de esgotarse o período inicial de adaptación pactado entre ambas as partes.

A entidade laranxa agradece o esforzo e dedicación da deportista por integrarse na dinámica do equipo e lamenta profundamenta que a súa continuidade en Burela non puidese frutificar.