Os alumnos e alumnas de quinto de primaria do CEIP Gregorio Sanz participaron este luns nas xornadas de limpeza voluntaria dos ríos de Ribadeo que organizaron as Concellarías de Medio Ambiente e Mocidade. Os rapaces estiveron acompañados polo concelleiro Horacio Cupeiro e polo alcalde, Fernando Suárez. Este martes serán máis nenos e nenas os que acudan a concienciarse da problemática que supón tirar os residuos aos ríos.
