Segundo explica Fernández Valle “o pintado das pistas e o resto dos traballos de mantemento son sufragados integramente polo Concello de Burela. O investimento ascende a 3.500 euros. Ditas tarefas completan as realizadas tamén polo Concello durante o ano pasado, cando canalizamos a auga perimetral, evitando así que o barro chegase ás pistas de tenis e tamén colocamos tres puntos de luz para que a instalación se puidese empregar durante o outono-inverno, período no que anoitece moi pronto. A nosa intención é colocar máis puntos de luz en breve”.
Beatriz Piñeiro lembrou que “ata o de agora nunca se realizaran labores deste tipo na pista de tenis de Burela, que se construíu no ano 2007 cun equipo de goberno do PP no Concello e na Deputación de Lugo. Durante a etapa do bipartito non se fixo nada nestas instalacións”.
O concelleiro de Obras sinalou que “unha vez que rematen estes traballos faranse unicamente os imprescindibles para manter as pistas de tenis en boas condicións para o seu uso, pero nada máis porque a situación económica é a que é e non nos permite ir máis aló”.