O Concello de Burela segue a acometer melloras nas instalacións deportivas municipais

Burela, 9 de outubro de 2013. O Concello segue a mellorar as instalacións deportivas municipais. O alcalde, José Mª González Barcia, e os concelleiros Beatriz Piñeiro e Manuel Fernández Valle, visitaron o pavillón Vista Alegre no que veñen de instalarse marcadores a pe de pista para a práctica do baloncesto en competicións federadas.

O rexedor anunciou que “en breve acometeremos máis actuacións nos pavillóns dos Castros e no Vista Alegre e tamén nas pistas de tenis”.

Desde o equipo de goberno amósanse satisfeitos polo traballo que están a realizar no ámbito deportivo: “imos pouco a pouco facendo cousas que son necesarias e que nos demandan os colectivos que utilizan as instalacións deportivas municipais”.