Os traballos foron supervisados esta mañá polo alcalde, José Mª González Barcia, e polos edís de Obras e Deportes. Fernández Valle explicou que “no caso do pavillón Vista Alegre o que fixemos foi pintar dúas paredes do seu interior, que se atopaban moi deterioradas pola colocación de carteis publicitarios e polo paso do tempo. E polo que se refire ao pavillón dos Castros, este foi construído hai anos con bloque gris e o que buscamos con esta actuación foi darlle máis luminosidade, máis alegría, queremos que sexa un lugar máis acolledor para todos os nenos e nenas que o utilizan”.
Beatriz Piñeiro sinalou que “se trata dunha actuación que se facía moi necesaria tanto nun pavillón coma no outro”.
O edil popular engadiu que “os traballos nos dos pavillóns foron realizados polos alumnos do obradoiro de pintura nas horas destinadas a prácticas no exterior. En breve acometerán outras tarefas que permitirán mellorar a imaxe doutras instalacións”.