Ribadeo, 22 de outubro de 2013. As festas gastronómicas dedicadas ao mexillón e ao bígaro, que organiza a Asociación de Comerciantes, Industriais, Servizos e Autónomos (Acisa) de Ribadeo, desenvolveranse en 33 establecementos hostaleiros do municipio. Celebraranse a vindeira fin de semana, dende o venres 25 ata o domingo 27.
Os locais onde se poderán degustar mexillóns e bígaros en diferentes preparacións son: Restaurante O Cabazo, Parador de Turismo de Ribadeo, Mesón Bar O Trasmallo, Hotel Gastronómico La Balastrera, Cafetería Mediante, Restaurante Oviedo Bar II (Rolle), O Bodegón, Restaurante A Dorada do Cantábrico, Restaurante La Solana, Bar A Ribeira, Casa Dios, Cervecería Raxería Pizzbur, Mesón Pulpería O Forno, Bar Queimada, Mesón O Lar de Manolo, La Botellería, Cafetería Delicias, Mesón A Baixada, Cafetería La Lira, Cafetería La Bugalla, Hotel Restaurante Voar, Mesón O Alén, Restaurante O Tumbín, Restaurante Sapore, Restaurante Marinero, Restaurante Costa Verde, Restaurante La Villa, Mesón Compostela, Restaurante San Miguel, Café Pub O Valeco, Asador La Quinta, El Rincón del Gordo y Restaurante La Cofradía de Rinlo.
No caso do mexillón poderanse degustar tapas elaboradas con este molusco desde 0’50 euros e tamén racións desde 4 euros. Polo que se refire aos bígaros trátase dunha degustación gratuíta a que farán os bares, mesóns e restaurantes participantes.
O presidente de Acisa Ribadeo, Roberto Rivas, anima “aos veciños da zona e aos que nos visiten a vindeira fin de semana a participar nestas dúas festas gastronómicas, pois seguro que merece a pena probar os distintos pratos que están preparando os establecementos hostaleiros con estes dous produtos do noso mar que teñen tanto sabor, como son os mexillóns e os bígaros”.
A festa do mexillón está organizada por Acisa e pola confraría de pescadores de Ribadeo. E a festa do bígaro tamén foi organizada por Acisa e conta coa colaboración da confraría de pescadores de Ribadeo, co Grupo de Acción Costeira A Mariña-Ortegal, a Xunta de Galicia, o Fondo Europeo de Pesca e o Ministerio de Agricultura, Alimentación y Medio Ambiente.