Cabe lembrar que este ano producíronse novidades na oferta, coa entrada de novas disciplinas como é o caso do zumba xuvenil e do pádel infantil, que tamén rexistraron bos niveis de inscrición e que entraran no programa para ampliar as posibilidades dos usuarios na elección do seu deporte favorito en función dos seus gustos e preferencias.
En concreto, a oferta completa inclúe: para nenos e nenas pequexogos, baloncesto, fútbol sala, patinaxe artística, tenis, multideporte e pádel; e para os adultos ximnasia de mantemento, aeróbic e pilates, ademais do xa mencionado zumba xuvenil para o alumnado do instituto.
En canto ás actividades máis demandadas, no caso das dirixidas ao público infantil destacan a patinaxe, así como o fútbol sala e o baloncesto, e no caso dos adultos o pilates. Unha oferta ampla e variada porque do que se trata é de “fomentar o deporte entre toda a sociedade, e para iso ano tras ano interesámonos por coñecer as preferencias dos veciños e en elaborar un programa a medida. Deste xeito, mantemos aquelas que teñen éxito e buscamos outras novas para diversificar” explica Guillén.
As Escolas Deportivas forman parte dunha liña de traballo estable que persegue o obxectivo de estender a práctica de exercicio físico por todo o municipio como “unha das claves para levar unha vida saudable” di o edil de Deportes, e na que tamén se inclúen outras actividades deportivas como os cursos da piscina ou torneos periódicos de diferentes disciplinas así como o coidado e mantemento das numerosas instalacións deportivas do municipio.