A aula da UNED de Foz ten programadas varias actividades para as vindeiras semanas. Por unha banda, celebrarase entre o 4 de novembro e o 21 de decembro o curso de monitor de tempo libre e manipulador de alimentos en horario de luns a venres de 16.00 a 21.00 horas e os sábados de 09.00 a 14.00 horas. Todos os xoves de novembro entre o 7 e o 28 en horario de 19.00 a 21.00 horas desenvolverase o V Video-Fórum Mulleres no Mundo. Así mesmo, o 15 de novembro, cun horario de 16.00 a 21.00 horas, desenvolverase un curso práctico de intelixencia emocional aplicada nivel 1. E do 25 ao 29 de novembro de 16.00 a 20.00 horas tamén se impartirá un curso sobre a “Enfermidade do Alzheimer“. Para máis información poden dirixirse ao teléfono 982 133 669 ou ao correo electrónico foz@lugo.uned.es.