Xa foron presentados os carteis das feiras e festas das San Lucas de Mondoñedo e os programas de man que se repartirán pola cidade a partir do luns

Mondoñedo, 5 de outubro de 2013. A comisión das Feiras e Festas San Lucas de Mondoñedo 2013 presentou os carteis das festas para esta edición 857, que como cada ano realiza o artista mindoniense Xose Vizoso. A partir deste luns, día 7, comezase a repartir os programas de man pola cidade.

Este ano forman parte da Comisión os concelleiros Modesto Díaz, Elena Freire e Elena Candia, ademais do Presidente da Comisión Miguel Souto, Miguel García, Miguel Paz, Waldo González, Manuel Tapia, María José Oriola, Marisol Piñeiro, Bea, Nati Arias e Gervasia.

O cartel das Orquestras esta composto polos grupos Charleston e Claxxon, dia 17. O día grande, o 18, actúan Cinema e Gran Parada, ademais dos concertos da Praza da Catedral de Budiño, e o grupo Di Elas que lidera Luis Tosar. Para o día 19 están previstas Tekila e Filadelfia xunto co encontro folclórico. O último día, o 20 poñen o broche de ouro a estas festas Palladium e Paris de Noia.

Reserva de entradas
Ademais este ano actúan no Auditorio o cantante ferrolán Andrés Suárez o sábado día 19, ás 20.00 horas. E o actor, director e monologuista Carlos Blanco actuará o domingo día 20, á mesma hora. As entradas para estes eventos teñen que reservarse no teléfono 608 876 123.