A FAPACEL, en colaboración coa ANPA DO CANTEL-FOZ, convoca a toda a cidadanía a unha concentración diante do CEIP O CANTEL – FOZ este venres día 15 as 17.00 en contra do decreto de comedores e como apoio as nais/país do CEIP CERVO que levan dende principios de curso esperando que se lles dea unha solución os prexuízos causados pola implantación deste decreto.
Queremos insistir en que o servizo de comedor é imprescindible para garantir o dereito á escolarización, pois a distancia do centro a algunhas vivendas impiden que @s nen@s poidan ir comer a casa e volver a tempo para as clases da tarde nos centros onde hai xornada partida, xa que a provincia de Lugo e maioritariamente rural e as distancias son moi longas.
A Plataforma Galega en Defensa do Ensino Público a cal pertence esta Federación ven de presentar un recurso-contencioso administrativo diante do TSXG contra este decreto por unha actuación regresiva coas clases populares que son nas que recaen as consecuencias da actual crise e que se ven agrandadas co cobro dunhas cantidades desorbitadas por comensal.
Trátase dunha medida que se suma aos continuos recortes que a Consellaría está a aplicar no ensino público mentres destina máis de 240 millóns de euros cada ano ao ensino privado concertado, incluídos os centros que segregan alumnado por razón de xénero.