‘A nena e o grilo nun barquiño’ é unha proposta de lecer no que a música do creador Magín Blanco acompaña as aventuras da nena e mais do grilo, a través dun mundo máxico e cheo de aventuras, no que se fomentan valores como a solidariedade, o respecto á natureza ou a propia identidade. Toda a actuación está pensada para crear unha aureola poética e máxica que será moi do gusto do público familiar. Ninguén vai quedar sen bailar con éxitos como ‘Don Ramón’ ou ‘Rock and roll Dragón’.
