Este xoves 28 de novembro ás 20.30 horas, na Casa das Letras, Roberto Mansilla ditará unha conferencia sobre “ESTADOS DE FEITO. Un tema tabú na política internacional” baixo a organización da Asociación cultural Francisco Lanza. Roberto Mansilla é analista e investigador no IGADI, Instituto Galego de Análise e Documentación Internacional. O IGADI é unha entidade independente e sen fins de lucro que ten por obxecto principal a investigación dos problemas internacionais e a activación de estratexias que favorezan unha maior proxección de Galicia no mundo en tódolos dominios. Así mesmo, na OMIC de Ribadeo está aberta ao público unha exposición referida a este mesmo tema.