Este venres 15 de novembro continúa en Burela o ciclo de teatro afeccionado que organizou a Concellería de Cultura. A partires das 21 horas no auditorio da Casa da Cultura terá lugar a representación de Sen seu amor, a cargo do grupo de A Adala de Fazouro. A obra, escrita e dirixida por Francisco Piñeiro, conta en termos cómico-dramáticos a historia real de Emérita e Nicanor sucedida en Foz entre os días 17 e 18 de setembro de 1929. A representación é para todos os públicos e a entrada será libre.