Entregados en Xove os diplomas do proxecto “Mañás Activas de Verán”

Este proxecto, subvencionado pola Dirección Xeral de Xuventude e Voluntariado, contou coa participación de 32 xóvenes do Concello de Xove de entre 10 e 16 anos, e tamén coa participación de 5 voluntarias, encargadas de colaborar no deseño e elaboración do díptico informativo, da realización do informe final e memoria do proxecto, así como de apoiar aos nenos/as participantes para que se beneficiaran o máximo posible das actividades, prestando especial atención aos menores con dificultades.

No proxecto, que se desenvolveu durante os meses de xullo e agosto, realizáronse distintas actividades (Informática e Fotografía, Mnemotecnia, Baile Deportivo, Reciclaxe, Manualidades e Sendeirismo), ofertando diferentes formas de ocupar o tempo de lecer.

A entrega de diplomas e agasallos realizouse este pasado sábado 2 de novembro, nun acto presidido polo alcalde Demetrio Salgueiro, acompañado pola Concelleira Ana Abad e pola responsable de voluntariado María José Alonso. As 5 voluntarias colaboradoras foron: Inés Alonso, Paula Campo, Nerea Fernández, Raquel González e Xiana Otero.