Espazo Ecosocialista apoia as mobilizacións que desde as diversas mareas de afectados polos recortes e polas centrais sindicais vanse celebrar este 23 de novembro.
Son dous anos de recortes sociais impulsados pola troica e levados adiante durante estes dous anos polo goberno do Partido Popular.
Diante diso e ante a contestación cidadá agora ameázanos cun recorte de liberdades sen precedentes co cal se pretende ao sufrimento sumarlle represión.
Espazo Ecosocialista, apoia as mobilizacións postas en marcha por todas as mareas e lamentamos a inactividade da Alianza Social Galega e facemos un chamamento as organizacións que a compoñen a que a reactiven urxentemente para que sexa, como foi, o espazo unitario de mobilizacións máis amplo que houbo en Galicia.
Fronte á dereita política, os oligopolios e a Troica, necesitamos unidade, temos propostas, Hai Alternativa!
Mobilizacións 23N:
– A Coruña 12:00 da Praza da Palloza ao Obelisco
– Ferrol 12:00 da Praza de España á Praza de Armas
– Santiago de Compostela12:00 da Alameda á Praza das Praterías
– Lugo 12:30 da Ronda da Muralla á praza de Armañá
– Burela 12:30 da Praza Mariña ao INEM
– Ourense 12:00 do Pavillón de Deporte “Os Remedios” á Subdelegación do Goberno
– Pontevedra 12:00 da Praza Ferrería a Subdelegación do Goberno
– Vilagarcía de Arousa 12:00 da Avenida da Mariña á Praza da Ravella
– Vigo 11:30 da Vía Norte (Cruce Urzaiz) a Montero Ríos (Xunta Galicia)