A Asociación Cultural “O CAIADO” de Foz, organiza un espectacular acto musical para o sábado día 9 de novembro, ás cinco da tarde na Residencia de Anciáns Virxe do Carme desta localidade.
Este acto, que leva por título “FESTA DO ACORDEÓN CON ARCADIO E AMIGOS”, idea orixinal de Arcadio Mon, fundador da Banda Municipal de Foz, contará cos seguintes acordeonistas nun especial man a man: Lino Rico, José Río, Antonio Eijo e Hortensio. Cantará con eles Arcadio Mon.
Este acto, que será aberto a todo o público en xeral, será o primeiro deste tipo que realicen estes grandes músicos mariñáns.