O COREPER aprobou este venres 15 de novembro o incremento dun 26 por 100 do TAC de Pescada Norte. En relación a esta aprobación, desde a Organización de Productores Pesqueiros de Lugo queren deixar constancia da súasatisfacción por este resultado, e o agradecemento ao traballo conxunto do sector e da Administración en aras a conseguir esta melloría de cotas.
Así, queren recordar o “esperpéntico da situación que se estaba producindo, con buques amarrados a porto por falta de cota, cando a situación do recurso que xera estes amarres, a pescada está nos seus mellores momentos, cunha recomendación de ICES que suporía aumentar ata en case un 50% a cota para o ano que ven. Afortunadamente a Comisión Europea fixo súas as peticións de incremento lanzadas polos Gobernos de España e Irlanda (e que a Organización de Productores Pesqueiros de Lugo solicitaran xa no mes de xuño) e hoxe no COREPER poderíamos dicir que se fixo historia, tras unhas semanas de longas e duras negociacións, con posturas contrarias inexplicables por parte de algúns Estados membros”.
Dende a Organización de Productores Pesqueiros de Lugo aplaudimos por tanto este incremento de cota, que será efectivo con toda probabilidade no Consello de Ministros deste luns 18 de novembro de 2013.