“O Concello de Foz quere unirse ao recoñecemento a Diego Martínez Santos, o focense que foi distinguido como mellor físico novel europeo e que estivo hoxe dando unha charla no instituto de Foz. Queremos recoñecer o seu traballo, darlle moito ánimo e dicirlle que o Concello está con el. Mantemos unha relación intensa e estamos buscando posibles alternativas. É unha persoa recoñecida no seu traballo, ten unha estabilidade laboral e uns proxectos enriba da mesa moi interesantes para a ciencia galega”, explicou o rexedor municipal.
Javier Castiñeira engadiu que “estamos encantados de que hoxe estea no instituto de Foz con outros mozos contándolles a súa experiencia e o seu traballo, porque é un exemplo importante a seguir por todos os estudantes. Por iso lle entregamos un pequeno obsequio recoñecendo esa labor na ciencia e ese premio tan interesante e importante como é o de mellor físico novel de Europa”.