No pavillón Antonio Tarrio viviuse unha auténtica festa do fútbol sala e o numeroso público asistente puido disfrutar da vitoria do equipo senior por 5 goles a 2 sobre o Donapel Monterroso e logo disfrutar das evolucións das rapazas que forman os equipos infantil e cadete do club, que repartidas en dous equipos, disputaron un partido de exhibición.
Este ano o equipo cadete da entidade competirá na Liga Galega Cadete, onde se enfrontará ao Poio FSF, Gutiriz FS, A Fervenza FSF, Peña Españolista de Sarria e Troula Betanzos.
Así mesmo, o equipo infantil xogará no grupo de Infantil masculino, competindo cos equipos da ACD Xove, Burela C e EDM de Barreiros, o que servirá para que as rapazas poidan disfrutar dunha competición regular e vaian aprendendo a competir.