No mercadillo exhibiremos parte dos traballos realizados polos nosos usuarios nos diferentes talleres nos que participan. Entre outros productos, poderán verse e mercarse os nosos “xabóns solidarios”, realizados no Taller de Xabóns que subvenciona a Fundación Mapfre, así como unha gran diversidade de artículos realizados no Taller de Foami, actividade subvencionada polo Excmo. Concello de Burela. Os nosos usuarios serán os encargados de atender o posto no Mercado, o que é moi importante e significativo para eles. Esta participación redundará nunha mellora significativa da súa autoestima, xa que venderán aqueles productos feitos con tanto mimo e tesón, e por suposto contribuirá á normalización e visibilización da realidade da enfermidade mental, ainda moi estigmatizada.