O vindeiro domingo, 8 de decembro, seguirán en Burela os actos de conmemoración do día internacional para a eliminación da violencia contra as mulleres. A partires das 17:30 horas na antiga praza de abastos terá lugar o contacontos Contos vellos, novos finais a cargo de Caxoto Contacontos. A actividade está dirixida a nenos e nenas con idades comprendidas entre os 4 e os 9 anos. Desde a Concellería de Igualdade convidan “a todos os nenos e nenas de Burela a non perder esta cita o vindeiro domingo. A loita contra a violencia de xénero debe comezar pola educación e polos máis pequenos e pequenas da casa”.